(The total opposite of him)
BUMALIK SI FORTNEY SA silid na pinanggalingan niya kanina. Nawala na rin ang naramdaman niyang gutom dahil sa pagkikita nila ng binata. Hinanap niya ang kanyang bag sa bawat sulok ng silid. Kailangan niyang makausap si Karen. Hindi pa rin maliwanag sa kanya ang explanation ni Garette kung paano siya napunta sa lugar na kasama ang binata.
“Nasaan na ang bag ko? Don’t tell me – oh, my!” Nasapo niya ang noo sa naisip na dahilan. Baka nakalimutan lang na iwan o ibigay ng kanyang kaibigan kay Garette. “Paano ko ngayon matatawagan si Karen ngayon?”
May naisip niiya ideya. Siguro naman ay dala ng binata ang mobile phone nito. Isasantabi na niya ang hiya at kakapalan na ang mukha na manghiram kay Garette. Hindi siya mapapakali hangga’t hindi malinaw sa kanya ang dahi
