(His touch)
YAKAP-YAKAP NI Garette ang umiiyak na si Fortney. Ramdam niya ang matinding takot sa dibdib nito dahil halos manginig ang buong katawan nito sa bisig niya.
“Halika na sa itaas,” aya niya sa dalaga na agad namang sinang-ayunan nito. Bahagya siyang umupo sa lupa.
“A-ano ang ginagawa mo?” nagtatakang tanong nito sa kabila ng pagpupunas ng hilam na luha sa mukha.
“I’ll carry you on my back.”
“Hindi na. Kaya ko naman maglakad.”
“Please, Fortney. Huwag mo na akong tanggihan.” Nilingon niya ito at nakiusap.
Marahan itong kumilos palapit sa likod niya. Nang tuluyan ng makalapat ang katawan nito sa kanya ay saka lang siya dahan-dahan na tumayo.
“Bakit ka ba bumaba? Naluto mo na ba ang uulamin natin?” Mabilis itong umiling. “Sana hinintay mo na lang ako makabalik.”
“Magpapatulo
