(Love is annoying)
DAHIL SA KAKULITAN NI GARETTE ay natuloy sila sa pagpunta sa talon na sinasabi nito. Medyo may kalayuan dahil matagal din silang naglakad bago nila narating iyon. Mahigpit ang hawak nito sa kamay niya na tila anumang oras ay maaari siyang mawala.
“Bakit ang higpit ng hawak mo?” tanong niya. Gusto lang niyang malaman kung ano na naman ang sasabihin nito.
“Bakit hindi? Pag-aari ko na ang mga kamay mo,” confident nitong sagot.
“At paano mo naman naging pag-aari ang mga kamay ko, aber?” Pilit niyang ikinukubli ang kilig na nararamdaman.
“Boyfriend mo ako. Natural lang na maging akin ang bawat bahagi ng katawan mo. Ganoon ka rin naman sa akin.” Kinindatan siya nito.
Inirapan niya ang nobyo. In fairness, lalo niyang nakikita ang kakulitan nito habang tumatagal. Makulit n
