(Shocked)
TUNAY NA NAPAKAGANDA ng talon na pinagdalhan sa kanya ni Garette. Ang tubig na bumabagsak mula sa itaas ay tila isang malaking hagdanan papunta sa langit na napapalibutan ng matataas na puno at iba’t ibang klase ng halaman na wala sa siyudad.
Maituturing niyang nasa isang paraiso at silang dalawa ng nobyo ang nagsilbing si Eva at Adan. It was breathtaking! Kahit na sino ay tunay na magiging masaya kapag nakita ang ganoong kagandang kapaligiran.
“Well, nagustuhan mo ba?” tanong sa kanya ng nobyo na nakatitig rin sa rumaragasang tubig na bumabagsak. “Kaya ako bumili ng lupa rito dahil sa talon na ito. Pakiramdam ko nasa ibang dimensiyon ako kapag nakikita ko ang iyan,” turo nito sa tubig.
“Wow! Sobrang ganda! Ngayon lang ako nakakita ng ganito!” aniya na nakahawak pa ang mga ka
