Tuloy-tuloy akong bumaba ng hagdan. Nakita ko agad si Yaya Bering. Mahigpit itong yumakap sa akin. At panay ang bilin nito na magpakabait ako.
Napatingin naman ako sa pinto ng bahay namin nang makita ko ang driver ni Papa. Kumunot ang aking noo nang sabihin nito na siya ang maghahatid sa akin papunta sa lunsod. May pinuntahan daw sina mama, papa at kasama si ate Fatty. Parang bigla akong nalungkot sa aking nalaman.
Nakakainis naman! Aalis na nga ako tapos wala pa sila rito. Wala man lang akong narinig sa bibig nina mama at papa na ‘Anak, mag-ingat ka roon at ayosin mo ang pag-aaral mo’
Iiling-iling na lamang ako na kinuha ko ang aking bag. Balak ko na sanang umalis nang lapitan ako ni Yaya Bering. Alam kong alam niya kung bakit bigla akong nalungkot. Nakakainis naman kasi. Kung kailan
