TUMAAS ang kilay ko dahil sa mga pinagsasabi ni ate Fatty. Ang laki talaga ng galit nito sa akin. Parang hindi kami magkadugo kung tratuhin ako ng babaeng ‘to. Bigyan ko kaya ito ng kambal na sampal para naman natauhan ito sa mga pinagsasabi nito.
“Umalis ka na Farah, bumalik ka sa lunsod kung saan ka nababagay. Saka tahimik na ang buhay namin. Kaya puwede ba, huwag kanang manggulo pa rito---”
“Huh?! Hindi ko alam kung bakit galit na galit ka sa akin ate Fatty? Eh, wala naman akong ginagawa sa ‘yo. Ngayon nga lang ako nagpunta rito. Tapos basta mo lang akong ipagtatabuyan. Problema mo, huh?!” pasinghal na tanong ko sa aking kapatid.
“Umalis ka na lang Farah, magiging dagdag ka lang sa Problema nina mama at papa---”
“Problema? Ano’ng problema nila?” sunod-sunod na tanong ko sa aking ka
