"Madam Hera, b-bakit? Ano ang kasalanan ko sa iyo?"
Kahit hindi siya nautal sa pananalita ay nangangatal pa rin ang kaniyang boses. Bakit ba ang lupit ng tadhana sa kaniya? Ang ilang taon niyang pinagsilbihan ay inakalang hindi siya aabandunahin ay muling nawalan ng tiwala sa kaniya. Samantalang wala naman siyang maalalang nagawang mali.
"I'm so sorry, Nath. Kahit ayaw kong gawin ito ay wala rin akong kakayahang pigilan ang taong may nais na tanggalin ka panghabang-buhay sa trabaho."
Iyon na nga eh! Kahit naman ipinatanggal siya ng hindi nakikilalang tao ay wala siyang magawa. Dahil bukod sa walang kasiguraduhan kung sino ang may kagagawan ay siguradong lagapak siya sa bandang hulian. Kaya naman sa tinuran nito ay hindi na siya umimik bagkus ay tahimik niyang itinulak ang stroller ng an
