*** CIAN'S POV (15 years ago)***
Habang nanunuod ng TV sa sala ay lumingon sa akin si mama.
“Oh, ‘nak, aalis ka?” Napansin niya pala na paalis ako. Balak ko sanang magpaalam na pero naunahan lang niya ako.
“Opo, 'ma. Do'n lang po ako kina Vin dahil practice nila ngayon sa banda. Kanina pa kasi nagte-text si Mae sa akin na papunta na raw siya roon,” magalang na sagot ko habang kinukuha ang cell phone ko na nakasabit sa itaas na bahagi ng bintana. Agad akong nagtipa ng reply papunta na ako pagkatapos ay itinaas ko ang ang cell phone para e-send ang aking mensahe. Mabuti na lang at nasa bandang itaas ang bahay namin kaya may kaunting signal pa ring nasasagap kahit papaano.
“Kung gano’n ay hala sige, mag-iingat ka. Teka lang, magbihis ka ulit. Palitan mo iyang short mo dahil medyo maiksi.
