“Anong ka-dramahan naman 'yung kanina?” biglang paggambala ng isang tinig mula sa aking likuran. Muntik na tuloyng mahulog ang hawak kong DSLR sa labis na pagkagulat. Nilingon ko ang may-ari ng tinig na iyon na ngayon ay tumabi na sa akin. Si Miles.
“What do you mean?” patay malisya kong tanong sa kan’ya.
Tumawa ito nang nakakaloko. “Ay sus, dai! Kitang-kita ng dalawang mata ko ang kalokohang ginawa mo sa likod ni Jacob kanina! I clearly saw it na hindi ka naman talaga natisod at kinuha mo lang 'yung malaking bato saka inilagay sa harap mo. Tama ako, ‘di ba? Alam mo ikaw, nagmumukha ka na talagang timang, eh.”
Agad na tinakpan ko ang bibig niya gamit ang aking palad. “Hinaan mo nga ang boses mo baka may ibang makarinig sa ‘yo! Well, alam na rin naman niyang prank ko lang ‘yon. Paano, l
