"Hoy! Saan mo ba kami dadalhin Jelaine? Ang layo na ng tinatakbo natin ah? At napakaraming restaurant na ang dinaanan natin sa kanto!" bulyaw niya kay Jelaine sa cellphone. Nakasunod sila sa likod ng kotse nito. Ito talaga ang nagprisinta na may alam raw itong bagong restaurant at trending raw sa social media. Pero kalahating oras na 'ata sila tumatakbo sa daan pero hindi pa rin nila nararating ang restaurant na sinasabi ni Jelaine. Si Xia Jill ang nagmamaneho ng kotse at nakikinig lamang ito sa pag-uusap nila sa cellphone dahil nakaloud speaker naman siya.
"Pwede ba andami mong arte! You promise na ikaw ang magbabayad at promise ko rin sa'yo na sulit talaga ang bayad mo Tiburcio. Sumunod ka na lang riyan pwede? Ang arte mo ah! Geller ka lang tandaan mo 'yan!" banta pa nito sa kan' ya na
