"Paige, hindi niyo naman sinabi na kapre pala ang daddy ninyo!" dinig niyang sambit ng isang batang lalake sa mga anak niya habang nakatingin ito sa kan'ya.
Family day sa school ng mga kambal . Mabuti naman at sabado ngayon kaya nakapunta siya kasama si Xia Jill. Kotse niya ang ginamit kaya naman tuwang tuwa ang kambal nang dumating sila kanina sa school. Panay ang kwento ng mga ito sa mga kaklase tungkol sa kan'ya na dumating na raw ang daddy ng mga ito. Namimigay rin ng tsokolate ang kambal sa mga kaklase na binili niya sa Manila.
"Huh? Kapre? Daddy pogi namin 'yan noh!" wika ng maldita niyang anak na si Avah. "Kukunin ko na ulit ang chocolate na bigay sa' yo ni Paige! Sinabi mong kapre si daddy pogi namin!" hinablot nito ang ang tsokolate sa kamay ng batang lalake.
Pumalahaw naman sa
