CASSIE
BIGO kaming mahanap si Tristan kaya pagkatapos ng ilang sandaling paghahanap ay niyaya ko nang umuwi sa bahay si Lalaine. Bukod sa napapagod na ako sa kakasunod sa kaniya, rinding-rindi na rin ako sa kakatalak nito sa unahan ko. Taka rin ako sa daldal nito, parang hindi yata ito marunong mapagod sa kakadaldal.
Pasalampak akong umupo sa sofa pagkadating namin sa bahay. Isinandal ko ang ulo ko sa sandalan, saka pumikit.
"Matulog ka na," sabi ko rito habang nakapikit pa rin. Naramdaman ko siyang umupo sa tabi ko. "Sabi ko, matulog ka na."
"Ikaw rin, matulog na. H'wag ka ng mag-alala kay Boss, nariyan lang 'yon sa tabi-tabi. Ikaw kasi, nilandi mo, ayan tuloy nahulog na siya tapos hindi mo naman sinalo," pasaring nito na ikinasimangot ko.
"Totoo naman. Kandungan mo ba naman at gi
