TRISTAN'S POV
"BOSS, TARA PO," pagyayaya sa akin ng isa sa mga tauhan ko. "Kain po muna tayo, Boss."
Tumayo ako at inayos ang sumbrerong suot ko. "Anong oras na ba?"
"Mag-aalas dose na po, Boss."
"Oh, tanghali na pala."
"Oho, Boss. Tara po sa kubo at makigulo na po kayo sa mga baon naming pagkain." Mabait na sabi nito.
Kaniya-kaniyang baon kasi ang mga tauhan ko, maliban na lang sa meryenda na sagot ko na sa kanila.
"Naku, hindi na. Sa bahay na lang ako kakain," sagot ko rito habang naglalakad papunta sa kubo. Doon kasi nakatali ang kabayo ko sa may kubo.
Hindi na ito nagsalita hanggang sa makarating kami malapit sa kubo. Ngunit ilang hakbang pa ang layo ko sa kubo nang matigilan ako. Napatitig ako sa di-kalayuan mula sa kubo, sa lilim ng punong akasya. Napako ang mga mata ko
