TRISTAN'S POV
MULA sa pagkakalikot ng cell phone ay dahan-dahan akong nag-angat ng tingin nang marinig ko ang mga yabag palapit sa kinaroroonan ko. Tila slow motion ang naging pag-angat ng ulo ko. Literal na tumigil sandali ang paghinga ko nang makita si Cassie, umiindayog ang balakang nito habang naglalakad papalapit sa kinauupuan ko.
Napatulala ako sa kaniya, sino ba ang hindi sa klase ng ayos nito. Nakasuot ito ng dress na kulay pula na hindi man lang umabot sa mga tuhod ang haba niyon. Kitang-kita ang mapuputi, makikinis at mahahabang binti nito. Mula sa mga binti nito ay dahan-dahan kong hinagod ng tingin ang kabuuan nito. Hanggang sa mapadako sa mukha nito ang mga mata ko. Para akong nabato-balani nang makita kong ngiting-ngiti siya sa akin na para bang nang-aakit ang mga ngiting
