Cassie's POV
"ANONG PROBLEMA NO'N?" Naisatinig ko habang habol ng tingin si Tristan. "Napakaarte, siya na nga itong nilutuan tapos hindi man lang kinain kahit tikim lang." Pagmamaktol ko habang pabalik ng kusina.
Hindi ko maipaliwanag iyong inis na nararamdaman ko ngayon. Iyong nag-effort akong lutuan siya tapos ni hindi man lang tinikman.
"Hmp! Buwisit! Bahala kang mamatay sa gutom, tukmol." Padabog akong kumuha ng plato at sinimulang kainin ang niluto ko. "Siya na nga itong nilutuan, ang arte-arte pa."
Sa sobrang inis ko kay Tristan ay naparami ang kain ko. Kung hindi ko lang naramdamang punong-puno na ang tiyan ko ay balak ko sanang ubusin iyon.
Busog na busog na tinapos ko na ang pagkain ko dahil baka ang katakawan ko pa ang ikamatay ko, lalo na't gabi na. Matapos ligpitin ang
