TRISTAN's POV
MULA nang makabalik ako galing Maynila ay hindi ko magawang patulan ang pang-aakit sa akin ni Cassie. Hindi sa hindi ako tinatablan ng mga pang-aakit niya kun'di dahil palaging si Mia ang laman ng isip ko. Ilang araw na akong wala sa mood dahil sa kaniya. Siya kasi ang dahilan nang pagluwas ko ng Maynila noong nakaraan.
Naririndi na kasi ako sa pagsusumbong ni Marchelly maya't maya na umiiyak ang pamangkin ko dahil sa walang kuwenta nitong asawa. Buntis ang pamangkin ko at nag-aalala ako para sa kanilang mag-ina.
Hindi ko na alam ang gagawin ko sa kanilang dalawa. Kahit anong gawin ko sa lalaking iyon ay ginigiit nito sa akin na kailanman ay hindi nito magagawang mahalin ang pamangkin ko. Na kahit patayin ko pa siya ay hindi niyon mababago ang katotohanang ang ex-fiance
