Napuyat ako sa kaiisip, sadyang sumasakit pa ang ulo ko nang biglang may tumawag sa cellphone ko. Antok na antok man ay inabot ko ito sa aking may uluhan. Hindi ko na tiningnan kung sino ang caller. Nabigla na lang ako dahil nang sinagot ko ito ay boses si Tita Shanny, ang mommy ni Shiara, ang narinig ko.
Mabilis akong napatayo dahil sa kaba. Matagal-tagal na rin kasi akong hindi kinontak nito dahil gusto rin nitong makapagpokus ako sa study ko. Hinayaan lang ako nitong dumalaw-dalaw kung kailan ko gusto.
"Hello, Ethan!" bati nito sa akin.
"Hello po, Tita. Good morning!"
"Ethan, puwede ka ba ngayon? Kailangan ka namin sa ospital." Hindi ko mahulaan kung masaya o malungkot ba ang boses nito, parang hindi ko ito mapangalanan.
"Sige po, Tita. Pupunta ako."
Mabilis akong naligo at na
