Napuyat ako kagabi sa kaiisip kung ano na ba kami ni Samantha? Kung seryoso ba siya sa sinabi niya kay Nina? Marami akong gustong itanong kagabi pero alam kong badtrip siya kung kaya't hindi ko na lang kinulit.
Nang maalala ko ang ganap kagabi ay rumarami lalo ang mga katanungan na nabubuo sa aking isipan. Kung paano niya nagawa iyon? Kung paano niya nagawang iwasan ang atake ni Nina? Kung paano niya nagagawang kumilos na parang hangin sa bilis? Kung paano siya natutong makipaglaban?
Masyado siyang misteryosa para sa akin pero natatabunan ang mga katanungan ko dahil sa saya na dulot ng sinabi niya noong sabihin niyang girlfriend ko raw siya. Parang hinaplos ang buong sistema ko nang sambitin niya ang mga katagang iyon. Tumitibok nang malakas ang dibdib ko at naririnig ko na ito sa sobr
