(عشك الجبل (الجزء الاول

فهد

دخل القصر وهو يلهث من الركض ،دخل المضيف...

الشيخ شبيك احمد شصاير، نزل عيونه للكاع ووكف باحترام وهو يكول. شيخنه العود الحك، عايض متعدي على وحده من عشيره الخزرج واخوانهه شايفينه ، وشارد وهسه العشيره عالكيهه يردون ياخذون ثار بتهم،ويردون شرف بتهم لان كاشف على البت ....

شيخ ابو جبل وكف من صدمه وغطه وجهه بيده من الفشله وكل الي،بلمجلس،وكفو احتراما اله،اشر بيده بمعنى اكعدو ..

الله يطيح حضه هذه العار،منخلص من مشاكله ...الشيخ جبل لو دره بسوايته لمصخمه يدفنه بكاعه والله،

هذه الاغم نزل روسنه للكاع ...ما اعرف شون ابن عم شيخ جبل،الي الكل تهابه وتشهدله الدوواوين بالمراجل يكون هل مهتلف ابن عمه ...

يضرب على ص*ره بقهر ...اه والله لو ما جان ابن المرحوم جان ...كتلته من زمان وذبيت جثته للجلاب ..

بس الي كاسر ضهري خواته اليتامه وامه المسكينه الي ما عدهن غيره، ولا هل سكير انه هادر دمه من زمان

فهد بصوته الحاد الي ملا المجلس ...جدي اتركني اني اسحله واجيبه مثل الجلب لرجليك ...والله ثم والله ما خلي يعتب السلف مره ثانيه...

لا بويه فهد خله هل جلب دوا عندي...اريدك تروح للعشيره وتاخذلنه منهم عطوه، وتكلهم جدي جاي يحول عليكم ...يكول الي تريدو يجره الكم ...

فهد: تأمر يا شيخ ...

الشيخ: كفو منك...يلذيب

الا ما كتلي يلذيب وهو يكعد ويكف عباته ...الشيخ جبل يمته يرد

فهد: شيخنا ...انشا لله بنهايه الاسبوع يرد من بغداد ...كم مشكله بلشركات راح يحلهه ويرجع...