(عشك الجبل (الجزء الاول

جاسر

اجه اجه جده ..دخلت غزل،وهي تصيح، البيت مخبوص اليوم، ليكول عيد عدهم ...

ام جبل والدنيا ما سايعتهه من الفرحهه ...هله برويحتي ...

وينه يمه وينه..

غزل وهيه شاكه الحلك ...يمه راح للمجلس،تلكو الزلم

اكيد منا للغده يله يهدو ...

ام جبل ..الحمد الله اهم شي رد ...وهيه تكوم يله ولجن همن اديجن ...

خل نكمل الغده ...يله يمه نور كومي،خل نخبز..وانتي،غزل شوفي،الغذه زهب ...

غزل وهيه تركض لجدتهه تصيح قريب من اذانهه لان سمعهه ثكيل:-جده..جده ..حفيدج العزيز اجه

جده نوعه وهي تشيل العصه: وج المطيوره لا تتمركضين، لا خلي العصه تعلم على جثتج.. زرفتي،اذني

غزل لوت البوز: جده غير ابشرج بجيه ..الشيخ ..وحبيب قلبح وهيه تغمز الهه...

جده نوعه وهيه تريد تضرب غزل :وج الكصبه ياهو حبيبي ..

وج العوبه ...وينه عنج جويسر خله يربيج ...

غزل تركض للمطبخ وهيه تضحك على بيبيته...ما حست الا انضربت بشي،مثل الحايط بس دافي وقاسي...عاطت بدون متشوف،وعمه ايي راسي وهي تفرك راسهه ...

رفعت راسهه ويا ريتهه مرافعته ..شافت اخز انسان تتمنه تشوفه بهذه الموقف... همست برعب،وهي تشوف وجهه احمر من الغضب...همست جاسر...

رادت تركض بي وين حست بايديهه حتنخلع من لزمته وهو يقربهه عليه ويكود بحده...عمه عليمن ولج...اشو السانج طولان ...

تحاول متبين خوفه منه كدامه وهي تباوع بعيونه بتحدي ...

عوف ايدي...مشفتك

جاسر وهو على وضعه وقربهه اكثر اله ... عطره ملا رئتهه ...وتحس بانفاسه الدافئه والسريعه على وجهه ...

واذا ما وخرت شتسوين ...بالله

غزل وهيه مرتبكه من قربه منهه وهو لازمهه من اديهه اثنينهم ...وصايره ملاصقه الص*ره

تحاول تجر ايدهه وادفعه ...وهي اصارع بين اديه

بس هيهات ...بلنسبه اله هيه ..

مثل النمله...

وهو عضلات وطول ...يعني ماكو الهه امل ...

خدودهه صارن حمر من العصبيه والاحراج ...

كتلك وخر لا صيح ولم البيت عليك ...بصوت ناصي ودموعهه غلبتهه...

لانو هيه بالمطبخ ... وجدتهه كاعده بالهول بس،حتى لو صرخت جدتهه متسمع زين وامهه واخواتهه يخبزون بالبستان وره البيت ..

والباقين متفرقين بالقصر يجهزون لجيه جبل ...لذلك تحاول تهدده ...بس هيه تعرف انو ميفيد ويه جاسر لو جانو اهلهه كلهم موجودين وكدامهم...مراح تفرق عنده

جاسر وهو يضحك باستفزاز وهو يتلمس خدودهه ...وبالايد الثانيه عاصر اديناتهه ...تريدين اخدج هسه للجده بهذه وضعج ما عندي مانع ...

قرب راسه من رقبتهه ...غمض عيونه وهو يشمهه ويدخل وجهه بشعرهه...جسمهه كزبر من قربه .. فتحت عيونهه عوسعهم ...وهو يهمس وهو يمرر انفه عرقبتهه ...

مرتي ...ومحد يمنعني منهه ...اني حر بيج....

نهه كلامه وهو يجر خدودهه بعضه ..

دموعهه صارت شلال عجدودهه ...تحاول تبعده صارت مثل،المجنونه ...تقاول بين اديه ...

وهي تصرخ وخر ...حقير ..لو تموت ميصير لبالك وما صير مرتك ...

رفعت راسهه وحست بي،جمد بمكانه من كلماتهه ...

اكتل نفسي...قبل ما صير الك ..اموت روحي وما صير مرتك ..

حست بي فلت اديهه ...وبعد منهه وجهه جامد

بسرعه دار ضهره ومشه يريد يطلع من الباب الخارجيه للمطبخ ...بس قبل ليطلع سمعته يكول بنبره حست بيهه حزن .. بس لو غير جاسر جان صدقت

لهل درجه تكرهيني...ولهل درجه تحبي...

ما لحكت تفهم شي ...لان اختفه بسرعه وطلع...

غزل اخت الشيخ جبل الصغيره عمرهه، 17سنه خامس علمي، متحب الدراسه كلش، بس كملت عنادا بجاسر الي هو خطيبهه وكاطع مهر عليهه...عنيده بشكل ،عصبيه وحلوه كلش عيونهه عسلي ...وبيضه ورموشهه كثيفه وطويله، عدهه خدود ورديه ومن تخجل او ترتبك يصيرون حمر وراح نشوف هل خدود شحيسوون بيهه ...شعرهه اسود طويل لنهايه خصرهه ....اذا تفكر تكصه جاسر يقلب الامه ...طويله...وهوايتهه السريه تكتب شعر،جاسر بالنسبه الهه محد يعرف شنو، الكل يعرف غيرتهه عليه، وعركهه ويه اي وحده، تنعجب بي او اجيب طاريه ...بس،شنو هو محد يعرف غيرهه هيه ...

جاسر: ابن عم جبل وصديق الطفوله 32،اسمر مائل للحنطي يعني سماره بصراوي عيونه سود وعنده غمازات من يضحك بيبنن طويل وضخم ،خريج صيدله وعنده مجمعات طبيه، وعنده اسهم باحد شركات صناعه الادويه،يكره احد يعانده،عصبي بشكل جبير،عشقه بالدنيه هي،غزل من جانت طفله وهو نهه عليهه وكللهم متصير لغيري،

يعرفهه اكثر من نفسهه هيه خط احمر للكل ...الكل يدري بي وبحبه المجنون الهه الا هي ..

عذبته برفضهه وصدهه اله ...وهو الي،كضه عمره ينتضرهه تكبر، حته يحصد تعبه بيهه ...