Sabay-sabay na kaming naglakad pasunod kay Mang Tonyo palabas ng masikip na eskenita ng lugar namin. As usual, hindi naman mawawala ang mga usisero't usisera na nagkakandahaba ang nga leeg kakatingin sa amin.
"Teresita, lilipat na kayo?" Hindi na nakatiis na tanong ng isa na lumapit pa at sumabay sa paglakad kay Inay na inaalalayan ni Romeo.
"Oo, palayo sa'yo." Pabalang namang sagot ni Inay na hindi ko na kinagulat.
Kilala naman kasi talaga siyang magaspang ang ugali, palaaway, puro sugal at puro utang.
Napasimangot na lang si Aling Becky bago umalis. May ilan pang sinubukan akong tanungin pero tanging pagtango lang ang isinasagot ko. Hindi nila kailangang malaman kung ano ang nangyayari sa buhay naming mag-anak.
Pagkalabas ay sumalubong sa amin ang malaking kulay puting van na h
