Lahat ng klase ng raket at mae-extrahan ko ay ginawa ko. Mag-deliver ng dyaryo, Maging food rider, Extra sa mga catering, Isang alalay sa shooting, maging taga-linis ng bahay. taga-alaga ng bata, ng aso.
Lahat ng mga iyan ay ginawa ko at pinagtiisan ko para lang makabayad sa hospital bill ni Inay para makalabas na siya. Hindi lang dahil gusto ko nang matapos ang gastos doon, kung hindi para makapagpahinga kami ni Romeo, Juan at Julius sa pagpapalitan sa pagbabantay. At para na rin matigil na siya sa pagbubunganga at pag-e-eskandalo roon. Kadalasan nga kapag tatao ako roon, ramdam ko ang inis ng mga kasama namin sa ward at kung maaari siguro silang lumipat ay ginawa na nila.
Sabi ni Lani, nahalata na ang pagpayat ko sa isang linggo pa lamang na nakakaraan. Bakit namang hindi kung wala a
