Nahigit nila Claire at Danica ang hininga at ilang sandali pa ay nagyakap at nag-iyakan. Nakaramdam naman ako ng awa sa kabila ng saya dahil sa wakas ay may ebidensya akong maipapakita kay Lucas.
Gamit ang supot ay muli kong ibinalik sa kahon ang test kit at tinignan muli ang magkaibigang emosyonal. Labas na ako sa problema nila dahil kung sa problema lang din naman ay patong-patong na ang akin, gayunpaman, hindi naman ako ganoon katigas para iwan sila ng gano'n-gan'on lang.
"Huwag kang papayag na layuan at pagtaguan ka ng lalaking may gawa sa iyo niyan. Dalawa kayong gumawa niyan, ginusto niyo iyan at nariyan na kaya ang magagawa niyo na lang ay harapin ito. Kung kinakailangan ay takutin mong ipapapulis mo."
Napatigil ang dalawa sandali at tinignan ako. Suminghot si Danica bago marah
