Naalimpungatan si Santa nang marinig ang tinig ng kaibigang si Lailani, noong una ay inakalang dinadaya lang siya ng kanyang pandinig ngunit lumakas nang lumakas ang tinig.
"Ano na, birthday girl, aba, natutulog ka na yata maghapon, sobra-sobrang beauty rest na 'yan," maingay na tinig ng kaibigan na papalapit sa pinto ng silid.
Nagmamadaling bangon si Santa sabay bukas ng pinto at doon ay kita ang kaibigang bubuksan pa lamang sana ang kanyang pinto.
"Susmaryosep!" bulalas nito sa gulat.
"Beshy, anong ginagawa mo rito?" palatak niyang tanong sa kaibigan.
"Ano pa 'di para tulungan ang beshy ko na magpaganda," tiling biro nito."Chos! Maganda ka na, tutulong kay tita na maghanda ng kakanin para sa debut mo. Bongga, girl, ang dami mong handa," bulalas nitong kay sigla.
"O, anak, mag-imis
