KINABUKASAN NA UMALIS sina Migs at Jane. Wala silang naaalala sa nangyari kagabi. Basta ang naaalala lang nila ay nag-inuman kami, at siguro nalasing sila kaya wala nang gaanong matandaan kung paano natapos ang inuman namin. Pero bago sila umalis, dinadaing ni Migs na masakit ang leeg niya. Nang lumabas silang dalawa ng gate, nakatanaw lang si Sunshine mula sa bintana.
Sa malayo, nakita ko na nakatanaw ang multong si Elizabeth nang ihatid ko palabas ng gate sina Migs – namumugto ang mga mata nitong nakatingin kay Migs hanggang makapasok ito ng kotse kasama si Jane. Sa palagay ko mahal pa rin nito si Migs? Pero bakit niya gustong saktan ito ni Sunshine? Pambihira! Dami kong ‘di maintindihan, tulad kung ano ba talaga ang nangyari kagabi ba’t nakalimutan nina Jane at Migs ang pag-atake ni Su
