NAGING ISA ANG limang itim na mga multo. Lumaki ito, naging halimaw na babaeng may sampung mga mata at mahabang dila na lumalaylay sa malaki niyang punit na bunganga.
“Nasa mundo pa ba ako ng mga tao?” hindi makapaniwalang sambit ni Dave. Ang ex niyang si Diana ay natulala na lamang sa takot. At siguro dahil nagliparan ang mga gamit niya at naging makalat ang kanyang bahay.
Nagbago na rin ako ng anyo, tinapatan ko ang laki ng halimaw na multo. Mas humaba ang puting buhok ko at mga kuko sa aking kamay. At mas tumindi ang pag-liwanag ng aking mga palad. Sa tingin ko mas mapapadali pa sa akin ang lahat sa sitasyong ito, dahil maari ko silang maipadala sa gitnang dimensyon nang sabay-sabay.
Sumugod ako. Bigla akong napunta sa harap ng multong halimaw na ikinagulat nito. Idiniin ko sa mukha
