KINABUKASAN, NAGISING AKO sa sikat ng araw na pumasok sa kuwarto mula sa bintana, at sa huni ng mga ibon at mga insekto sa labas. Pagdilat ko, isang napakagandang tanawin ang tumambad sa ‘kin, ang matamis na ngiti ni Sunshine. Patagilid kaming nakahiga at nakaharap sa isa’t isa. Hinaplos niya ang mukha ko, naramdaman ko ang lamig ng palad niya na unti-unting nagkaroon ng init nang hawakan ko ang kanyang kamay. At mas nagpagaan ‘yon sa aking pakiramdam.
“Magandang umaga, Lukas,” nakangiting bati niya sa akin.
“Magandang umaga, Sunshine,” nakangiting tugon ko at hinalikan ko ang kanyang kamay na aking hawak.
“Maayos ba ang tulog mo?” tanong niya. Nakangiting tumango ako, at pinagmasdan ko lang siya at ninamnam ang mga sandaling ‘yon.
Lumipas ang mga oras at unti-unting bumubuti ang aming
