NANLAKI ANG MGA mata ko – si Elizabeth, pinipilit niyang pumasok sa bilog kung nasaan ang katawan namin ni Sunshine. Ganitong kaaga ay nagawa niyang umatake. Nararamdaman ko rin ang ibang multong nasa labas na siguro’y pinipilit makapasaok sa bahay. Si Mang Pedro, kasalukuyang nakahandusay sa sahig. Habang si Cecilia naman ay pinipilit bumangon.
“Itay, hindi ko siya napigilang pumasok sa bahay. Humina ang harang dahil sa pagpapanatili kong bukas ang lagusan sa gitnang dimensiyon,” sumbong ni Cecilia nang makita niya ako. Punong-puno siya ng pag-aalala.
“Nakuha ko ang bulaklak. Hindi na tayo puwede pang mabigo. Isara mo na ang lagusan at humanda kang palakasin ang harang sa aming katawan,” utos ko kay Cecilia. “Ilalabas ko ang multong yan sa bahay ng mga Sinag.” Napakuyom ako at humigpit
