HINDI na siya kumibo pa hanggang sa makarating sila sa isang club. Matapos nitong iparada ang kotse ay saka ito humarap sa kanya.
“Love, sandali lang tayo.”
“Bakit ba kasi lumabas ang mga pictures natin online? Paano nalaman ng mga tao ‘yon?” hindi nakatiis na tanong niya.
Huminga ng malalim si River.
“I did it.”
Literal na napanganga siya sa pagkabigla dahil sa narinig.
“W-What?” bulalas niya.
“It was me who released those photos in public.”
“Bakit?! You should’ve told me first!” naiinis na sagot ni Iris.
“Ginawa ko iyon para tumigil na ang mga fans ni Jewel. They’ve been associating me with her and it’s getting annoying. Ayoko nang madikit ang pangalan ko sa kanya lalo na ngayon na narito ka na sa buhay ko. Ayokong dumating ang araw na pag-awayan natin siya. Kaya sinabi
