CHAPTER 19
Sinundo si Echo ng isang mataba at maliit na bakla. May katandaan na din ito dahil napapanot na. Dahil kanina pa gutom at hindi naman niya gusto ang paulit-ulit na adobong manok na niluto ni Kurt ay naglambing siyang pakainin na muna siya sa isang malapit na restaurant.
Mabilis siyang humanap ng bakanteng mesa. Nakasunod sa kaniya ang booking niya na parang takam na takam na pinagmamasdan siya. Nakaramdam siya ng pagkailang at pandidiri. Pero sa isip-isip niya ay ayos lang kung isusubo lang naman siya at pagkatapos niyang makubra ang bayad ay pahatid na siya pauwi agad-agad. Malaki din naman ang usapan nilang ibibigay sa kanya.
Nang nakapag-order na siya ay saka niya inilibot ang tingin sa loob ng restaurant. Parang binuhusan siya ng malamig na tubig nang makita si Culver
