CHAPTER 20
Tumagal ang ganoong set-up nilang dalawa. Si Culver na lang ang tanging sinasamahan niya. Naging exclusive na siya. Kung hindi niya nagawa iyon kay Donel, kay Culver naging madali ang kanyang pagsunod. Kahit pa maraming nangungulit ay itinigil na niya iyon bilang respeto sa relasyon nila. Kung dati, nagdadalawang isip siyang halikan sa labi si Culver ngunit nang lumaon naging parang normal na din sa kaniya iyon. Minsan nga, siya pa ang unang humahalik. Yung dating hindi niya kaya, ngayon ay nagustuhan na niya. Ngunit halik lang iyon sa labi at kay Culver lang niya iyon gagawin.
Kung sinasabihan siya ni Culver ng I Love you o kaya mahal kita ay wala siyang ibang maisagot kundi, “thank you” o “salamat po” lang. Text na “Good Morning” ni Culver ang gumigising sa kanya sa umaga
