CHAPTER 18
Akala ni Echo ganun lang kasimple makipagrelasyon sa katulad ni Culver. Iyon bang, kapag pumayag kang kayo na, label lang. Walang anong responsibilidad na kagaya nang sa babae. Dahil alam niyang mahal na mahal siya ni Culver, okey lang sa kanya na gawin lang lahat ang gusto niya. Lalo pa't alam naman ni Culver na nasa ganoon siyang sideline nang una pa silang magkakilala kaya iniisip niyang hindi na isyu pa ang tungkol sa isa pa niyang pinagkakakitaan. Oo nga't inaabutan naman siya ni Culver ngunit barya lang iyon na maihahambing sa kikitain niya sa iba pang customer. Saka hindi naman araw-araw siyang may booking. Dalawa hanggang tatlong beses lang naman sa isang Linggo at hindi din naman siya tumatanggap ng booking mula gabi ng Huwebes hanggang umaga ng Saba
