CHAPTER 8
“Ano hong meron Ma? Akala ko ba magpapahinga na muna ako?”
“Ipikit mo lang ang mga mata mo Egor anak. Ipapakita ko sa panaginip mo ang lahat ng nangyari sa ating kaharian para mas maintindihan mo ang kailangan nating ipaglaban.”
Hanggang sa parang dinala ako ng aking pagtulog sa nakaraan. Parang bahagi ako ng panahong iyon dahil nakikita ko, naririnig, naaamoy at nararamdaman ko ang lahat ng pangyayaring iyon habang ipinagbubuntis pa ako ng aking Inang Reyna.
Ang buong kaharian ng Nowhere ay matiwasay, tahimik, makatarungan, maganda at masaya. Ilang siglo na rin ang nakakaraan mula nang nasakop ng lolo kong si King Jotun ang kaharian ng itim na mahika ng Trece Kingdom. Ito ang kaharian kung saan ay naghahanda na noong sakupin ang buong kaharian ng Nowhere hanggang sa makuha a
