CHAPTER 12
Paano ‘to? Wala pa akong alam sa pakikipaglaban? Nakita ko kung paano makipaglaban si Ashoka. Nakita ko kung gaano kabangis si Askook. Ni sumakay sa motor wala pa akong karanasan, sa dragon pa kaya? Wala akong alam na kapangyarihan meron ako maliban sa kapangyarihang meron ang maliit na espada.
Pumikit ako. Sana makausap ko si Mama. Sana makita ko siya.
“Ma! Magpakita ka uli! Kausapin moa ko! Sabihin mo kung ano ang dapat kong gawin! Maaaa!” sigaw ko ngunit wala.
Ninenerbiyos na ako. Binuksan ko ang aking aparador na gawa sa balat ng buwaya. Isinuot ko ang armor, sandal kong may mga tusok-tusok. Belt ko may tatlong pabilog na bakal na hindi ko alam kung anong silbi. Mabilis kong naisuot ang mga kasuotan kong pandigma. Kinuha ko ang aking espada at binasa ng tatlong beses an
