KIERA
Pakiramdam ko ay mabilis na lumilipas ang mga araw. Kung may kakayahan lang sana ako upang pahintuin ang bawat pag-ikot ng oras ay ginawa ko na. Dahil sa bawat araw na dumadaan ay mas lalo pang nalalapit ang pagdating ng araw na tuluyan na siyang matatali sa iba. At ang pinakamahirap doon ay kahit gustuhin ko man tumutol ay hindi ko magawa. Wala akong lakas ng loob upang isatinig ang gusto kong mangyari.
Mula dito sa isang sulok ay patago kong pinagmamasdan si Darren na abala sa kanyang cellphone habang nasa tabi niya si Ashley na masayang namimili ng mga kailangan nila para sa kanilang kasal.Ang saya ay makikita sa bawat galaw ng babae.
Masayang-masaya si Ashley dahil hindi nawawala ang ngiti nito sa kanyang labi samantalang ako ay nandito sa isang sulok at nagluluksa. Patago
