KIERA POV
Wala na bang katapusan ang sakit na nararamdaman ko? Kailan ba matatahimik ang buhay ko? Palagi na lang ba akong magpapakatanga nang dahil sa pagmamahal ko sa kanya?
Unti-unti akong nagmulat ng mga mata nang matahimik ang paligid ko pagkatapos ng sagot ni boss. Tila ba naging tensyonado ang paligid at wala ni isa sa kanila ang gustong basahin ang katahimikan na namayani. Maging ang paghinga ni boss sa aking tabi ay naririnig ko na rin.
Puting kisame ang sumalubong sa paningin ko pagkamulat ko pa lang ng aking mga mata. Deretso lang akong nakatingin dito at inaalam kung nasaan na lugar ako. Bigla akong nakaramdam ng kaba nang dumapo ang aking paningin sa mga gamit na nasa aking tabi. Tumingin ako sa paligid upang masiguro kung tama ba ang hinala ko. Malakas akong napasinghap
