Lahat sila ay nabigla sa biglaang pagdating ni Trina, napasubo pa tuloy si Althea at napasabak sa aktingan ng wala sa oras. Nang mapansin niyang natitigilan si Luan na nasa tabi ay tinapik naman niya ito matapos itong itulak kanina.
"Huwag mong sabihing in love ka pa sa babaeng 'yon?" may inis sa turan dito. Mukha kasing gusto nitong habulin ang ex sa hitsura nito.
Nang marinig naman ni Luan ang sinabing 'yon ni Althea ay napatitig siya sa maganda nitong mukha. Kita niyang tila nahiya ito kaya ito yumuko at pasimpleng nag-iwas ng tingin.
"Nope, naalala ko lang kasi kung ano ang ginawa niya sa 'kin noon. Halos lunurin ko ang sarili ko sa alak," malungkot na turan ni Luan. "Minsan pa nga ay binalak kong magpakamatay, mabuti na lamang at saktong pinuntahan ako nina mama noon," dagdag pa ni
