Mabilis na dinaluhan ng ina ama si Luan nang makitang tila hindi ito makahinga at mapakali sa kinauupuan.
"Hijo, ayos ka lang ba?" untag na tanong ng kanyang daddy rito.
Hindi umimik ang lalaki bagkus ay tumango lamang ito pero sa mukha ay kitang tila nahihirapan ito.
"Alam kong masarap itong luto ng asawa ko pero hindi ko naman akalain na pati tinik ay kakainin mo," bulalas pa ng ama kay Luan.
"Hijo, sure ka bang ayos ka lang?" usisa na rin ng ina na puno ang pag-aalala sa mukha.
"Ayos lang tita pero mukhang malaking tinik ang nasa nalalamunan ko," pinagpapawisang tugon ni Luan, gustuhin man niyang magsisi sa pagkain ng bangus na matagal niya nang isinumpa sa sarili na huwag na huwag kakain muli.
"Ganoon ba? Paano ba 'yan, hindi ko ba nasabing hindi boneless iyang bangus?" anang pa
