Mabilis na hinanap ni Althea ang kanilang driver nang makasalubong si Manang Ester na buhat-buhat ang itim na pusa. Doon ay naalala niyang ipapakamot nga pala nila sa leeg ni Luan, hindi niya tuloy maiwasang mapangisi.
"Manang, si Mang Bert po?" tanong sa kanilang driver.
"Hindi pa sila nadating ni Celia, namalengke kasi sila pero tiyak na pabalik na ang mga 'yon," sagot naman ni Manang Ester.
Bahagya siyang nainis dahil kung kailan nagmamadali siya upang takasan si Luan ay saka naman wala pa ang driver nila.
"Papasok ka ba? Hindi ba't Sabado?" dagdag usisa nito.
Sasagot pa sana siya nang maulinigan ang tinig ng kaniyang mga magulang, paglingon niya sa gawi ng kanilang komedor ay naroroon nga ang mga ito kasama si Luan.
"Manang Ester, ayan na ba ang pusa," tinig ng kanyang daddy.
"O
