Mas lalong napakunot ang mukha ni Althea nang marinig ang bungisngis ng ina kaya agad na nilingon ito, ganoon na lamang ang inis niya nang makitang nakikipagbulungan ito kay Luan.
Pati ba naman ang kanyang mommy ay nakuha na rin nito ng loob tulad ng ama na tila walang ibang ginawa kundi ang ibida ito.
Sa inis ni Althea ay napatayo siya sa kinauupuan.
"O, anak, tapos ka na bang kumain? Mukhang hindi mo pa naman ubos ang nasa plato mo, ah," puna ng ina nang mapansin siya nitong tumayo.
"Nawalan na ako ng gana, mommy," mahinang sambit niya sabay iwas ng tingin. Baka kasi mahuli siya nitong nagtatampo o nagseselos dahil sa pagiging malapit nito kay Luan.
"Ganoon ba? Ayaw mo ba sa niluto kong ulam?" malungkot na tinig ng ina.
"Mommy, hindi sa ayaw ko pero nag-late snack kasi kami nina Da
