Magda's Point of View
Matuling lumipas ang mga araw at bumalik ang sigla ni Angelo. Ako na muna mismo ang nag-asikaso sa kaniya. Inalalayan na lamang ako nila Nanay Tina at Maritoni. Si Aries naman ay bumalik na sa Amerika. Siya na lang daw ang bahalang magsabi sa kaniyang Kuya Prince hinggil sa kalagayan ni Angelo.
Kung tungkol naman sa akin ay masayang-masaya ako dahil muli ay nakakasama ko na ang taong naging malapit na sa puso ko. Narito kami ngayon sa terrace ng kaniyang kuwarto. Gusto niyang samahan ko siyang lasapin ang napakasariwang simoy ng hangin. Nais din niyang ipagpatuloy ang naudlot na pagsusulat niya ng kaniyang tula.
Naikuwento niya kasi sa akin kung bakit hindi ito natapos. Iyon ay dahil sa boses ni Maritoni. Noong araw daw na iyon ay maaga siyang nagising at akala niy
