VICTORIA
Nauna akong nagising kaysa sa pagtunog ng alarm clock na sinet-up ko kagabi. Pagkatapos nang narinig ko kagabi mula sa kaniya ay tila natulala at gusto kong umiyak ngunit walang lumalabas na luha sa aking mga mata. Para lang akong naestatwa mula sa aking pagkakatayo sa pinto at dahan-dahan ko iyong isinirado at agad na umakyat sa aking kama. Hinila ang kumot at nagpabaluktot.
Kahit na anong sabi ko sa aking sarili na dapat na akong matulog ay hindi ko magawa kaya hinayaan ko na lamang ang sarili ko na mag-isip nang mag-isip hanggang sa lamunin ng antok.
Buong akala ko nga ay tatabi si William sa akin sa pagtulog na siyang ayoko kaya pasalamat na lamang ako dahil hindi siya natulog kasama ko.
Para akong isang nalantang gulay na walang kasigla-sigla. Halos kagabi lang ay punong
