Twenty-One
Katatapos lang ng meeting ko. Parang gusto ko nang hatakin ang oras para makabalik sa bahay na tinutuluyan ko ngayon. Parang hindi na kompleto ang buhay ko kapag 'di nakikita ang asawang nanunuluyan sa kabilang bahay lang.
"Dude, nandito ka nga pero ang layo naman nang tingin mo." Biro ni Shade na kandong ang kanyang anak. Lumapit si Danny at kinuha ang bata. Nasa bahay kami ni Shade. Actually sa restaurant kami ni Batsy nag-meeting ng mga ito. Saka nagkayayaan na dumeretso rito sa bahay ni Shade.
"Tsk, baka na-mi-miss na 'yong asawa n'yang hindi naman s'ya kilala bilang asawa." Sabi ni Cayde na blanko ang expression ng mukha. Ang laki nang pinagdadaanan ng loko. Nagkita-kita kami para damayan ito. Simula nang maglaho ang asawa nito nagkaganito na ito. 'Yong kaibigang maing
