Twenty-two
"Hoy, Jas! 'Yong Papang mo nakita ko may kasamang babae." Kalalabas lang namin ng gate ng bahay ni L.A. kasunod ko si Mace na napatingin sa akin nang marinig ang sinabi ng tsismosang babae.
"Nawiwiling pumunta roon sa kabubukas na bahay aliwan. Naku! Mahilig din pala sa p*kpok 'yang Papang mo." Ang tabil talaga ng dila ng babaeng ito.
"Pwede ho? 'Wag kayong gumawa ng kwento para lang siraan ang Papang ko." Nakasimangot na sabi ko rito. Palagi na lang kami ang gustong pinag-uusapan, next time nga magpapa-surprise quiz ako sa mga ito tungkol sa buhay ng pamilya ko. Sila na rin ang mag-check, alam na alam nila ang mga ganap sa buhay namin eh.
"Aba'y totoo ang sinasabi ko. Kasama pa nga nila si Gustin!" natatawang sabi nito. Sabay talikod at napailing pa. Nagkatinginan kami n
