"Bakit parang hindi ka bothered na alam ko ang mga ginagawa mo?" tanong ko dito. Hindi ko alam pero parang ako pa ang bothered na may alam ako sa mga sikreto niya, o kasi hindi lang iyon ang sikreto niya?
Ngiti lang ang sinagot sa akin ni Bae ng tanungin ko siya, isang araw makalipas ko siyang komprontahin. Hindi na lang ulit ako nagsalita at nanahimik na lang sa passenger's seat.
Kasalukuyan namin binabagtas ang daan patungo sa Napoli University. Ihahatid niya ako roon, gaya ng palagi niyang ginagawa kahit na hindi ko siya kinakausap. Oras-oras din kung magpadala siya ng text messages para ipaalala na susunduin niya ako at h'wag akong pumunta kung saan-saan. Noong una ay naiirita pa ako hanggang sa nasanay na lang at palagi siyang hinahanap tuwing uwian. Ilang araw kaming ganoon
