Ingat kayo.
Nakatanggap ako ng text mula kay Ruth nang makalabas kami ni Haunth ng bahay nila. Mag-insist pa sana kami ni Haunth na tumulong para magligpit kaso ayaw tanggapin ni Brayden dahil bisita raw kami at nakakahiya. Sapat na raw iyong dinalaw namin si Ruth at paglutuan ng pagkain- iyon ay kung matatawag bang pagkain iyong Lugaw na giniling.
"Saan na tayo?"
Napatingin naman ako kay Haunth na naka-helmet na. Mahal na mahal naman nito iyong bike niya at tuwing nakikita, ayaw malayo. Parang siya lang at ako.
Narito parin ako sa harap ng pinto ng bahay nila Ruth habang suportado ako ng mga saklay ko. Si Haunth naman ay nakasampa na sa bike niya at para bang handa na paandarin.
Hindi ko maiwasang mamangha sa kung gaano siya kagwapo sa simpleng pagsakay lang sa m
