Hanggang kailan ako maghihintay sa isang bagay na kahit kailan ay hindi mapapa-sa akin?
Huminga ng malalim si Akiko para pigilan ang paghikbi. Mahigpit niyang hinawakan ang ballpen saka binura ang sinulat niya pagkuwa'y nilipat sa ibang pahina.
Bakit patuloy akong umaasa sa isang bagay na kailanman ay hindi magiging akin?
Inis na pinunit niya ang pahina ng notebook na pinagsulatan at nilamukos iyon tapos tinapon sa kung saan. Napahagulgol si Akiko at napasubsob sa unan niya.
Tama nga bang maniwala siya na nakatadhanang maging ganito ang buhay niya? Maging katulong ni Heaven at yaya ng magiging anak nito? Wala nga ba talaga siyang mararating kahit na anong pilit niya? Hanggang dito na nga lang ba talaga siya?
Hanggang pangarap na lang ba talaga ang lahat para sakanya?
Narinig niya
