"Ano 'yang niluluto mo, Nanay?" Bungad na tanong ni Akiko nang pumasok siya sa kusina at agad na nilapitan ito.
"Adobong baboy. Gusto ni Heaven mag-ulam ng ganito ngayon..." Anito.
Sumandal si Akiko sa lababo at napabuntong hininga saka tumingin sa kawalan. Nilaro-laro niya ang mga kamay habang malalim na nag-isip.
Balak niyang sabihin muli sa Ina ang plano niyang pag-aaralin na lamang ang sarili. Marahil ay nakalimutan na nito ang bagay na iyon ngunit kailangan niyang sabihin muli. At dapat ay pumayag ito.
Dalawang buwan na lamang ay mangangak na ang kaibigan, kasabay niyon ang paglabas ni Hunter sa rehab. Tugma din iyon sa araw ng pasukan sa kolehiyo na balak niya pasukan. She already done research about cheapest university in Metro at nakahanap naman siya. May savings din siya p
