PUNO NG pag-iingat akong pumasok sa kuwarto niya. Walang ingay akong naglakad palapit sa kinahihigaan niyang kama. Tulog na tulog na siya dala ng pagod at stress sa nangyari kanina. Ni hindi man lang siya nakapagbihis at sigurado akong pati dinner ay hindi rin siya kumain. Wala na kasi akong inuutusang magpunta rito para magdala ng mga kailangan niya dahil nga dalawang linggo na siyang sa penthouse nakatira kasama ko.
Marahan kong ipinatong sa study table ang box at hinila ang upuan sa gilid ng kama kung saan nakaharap si Janus.
Heto na naman. Muli na namang bumibilis ang t***k ng puso ko. Automatic na umangat ang kamay ko papunta sa buhok niyang tumatakip sa mukha niya. Ngunit nang hahawakan ko na lang sana ito ay bigla siyang gumalaw. Naikuyom ko ang palad ko. Kitang-kita ko kasi ang p
