ANG HAGULGOL ng ina ni Janus ang lalong nagpapasidhi sa galit at pag-aalalang nararamdaman ko. Saglit akong napalingon sa kaniya at nakita kong pilit siyang pinapakalma nina Clem at Vinxie. Ang ama naman niya ay tulad kong walang habas na naglalakad ng pabalik-balik sa hallway. Magtatatlong oras nang nasa loob ng Trauma Room si Janus at naiinip na ako sa paglabas ng doktor na tumitingin sa kaniya.
Napayuko ako sa pantalong suot ko nang marinig ko ang pagtunog ng cp ko. Sinenyasan ko si Clem na sumama sa akin. Nagpunta kami sa smoking area ng floor na kinaroroonan namin. Agad niyang ilinabas ang isang kaha ng Marlboro Black at lighter. Nanginginig ang kamay kong kumuha ng isang stick at isinubo ito. Kailangan ko ng pampakalma.
“f**k!” I hissed nang ayaw sumindi ng letseng lighter.
“Ako n
